a13:10
b12:21; 2 Lan 25:1-4
c12:3, 15:4,35, 16:4; 1 Kho 15:14
d12:20
eDute 24:16; Jer 31:30; Hez 18:4,20
f2 Lan 25:11
g2 Sam 8:13; 1 Lan 18:12; Hlab 60
hJosh 15:38
i2 Lan 25:17-24
j14:11, 23:29; 2 Lan 25:13
kHlu 9:8
lHlu 9:15
mDute 8:14; 2 Lan 26:16, 32:25; Hez 28:2,5,17
nDute 2:5
oJosh 15:10
p1 Sam 4:10; 2 Sam 18:17
qJosh 15:10
rNeh 8:16
s2 Lan 26:9; Jer 31:38; Zek 14:10; 2 Lan 25:23
t12:18; 1 Kho 7:51
u13:12,13
v2 Lan 25:25, 26:2
w2 Lan 25:27
xJosh 10:3
y16:6; Dute 2 Kho 26; 2 Lan 8:17, 26:2
z1 Kho 14:16
aa1 Kho 8:65
abDute 3:17, 4:49; Josh 3:16
acJona 1:1; Mat 12:39,40
adJosh 19:13
ae13:4; Eks 3:7
afDute 32:36
ag13:5,23
ah1 Kho 11:24
ai2 Sam 8:6; 1 Kho 11:24; 1 Lan 18:5,6; 2 Lan 8:3

2 Kings 14

Ukubusa kukaAmaziya

1Ngomnyaka wesibili kaJowashi indodana kaJehowazi, inkosi yakoIsrayeli a, uAmaziya indodana kaJowashi inkosi yakoJuda waba yinkosi b. 2Wayeleminyaka engamatshumi amabili lanhlanu lapho esiba yinkosi; wabusa iminyaka engamatshumi amabili lesificamunwemunye eJerusalema. Lebizo likanina lalinguJehowadani weJerusalema. 3Wasesenza okulungileyo emehlweni eNkosi, kodwa kungenjengoDavida uyise; wenza njengakho konke uJowashi uyise akwenzayo. 4Loba kunjalo indawo eziphakemeyo kazisuswanga; abantu babelokhu benikela imihlatshelo betshisa impepha endaweni eziphakemeyo c.

5Kwasekusithi umbuso wakhe usuqinisiwe esandleni sakhe, watshaya inceku zakhe ezazitshaye inkosi uyise d. 6Kodwa abantwana bababulali kababulalanga, njengokubhaliweyo ogwalweni lomlayo kaMozisi lapho iNkosi eyalaya khona isithi: Oyise kabayikubulawa ngenxa yabantwana, labantwana kabayikubulawa ngenxa yaboyise, kodwa wonke umuntu uzabulawelwa isono sakhe e. 7Yena wasetshaya amaEdoma f azinkulungwane ezilitshumi esihotsheni setshwayi, wathumba iSela ngempi g, wabiza ibizo layo ngokuthi yiJokhitheyeli, kuze kube lamuhla h.

8Khona uAmaziya wathuma izithunywa kuJehowashi indodana kaJehowahazi indodana kaJehu, inkosi yakoIsrayeli i, esithi: Woza sikhangelane ubuso ngobuso j. 9UJehowashi inkosi yakoIsrayeli wasethumela kuAmaziya inkosi yakoJuda esithi: Ukhula oluhlabayo oluseLebhanoni k lwathumela emsedarini oseLebhanoni l lusithi: Nika indodakazi yakho endodaneni yami ibe ngumkayo; kwasekusedlula isilo seganga esiseLebhanoni, salugxoba ukhula oluhlabayo. 10Uyitshayile lokuyitshaya iEdoma, inhliziyo yakho isikuphakamisile m; dumiseka, uhlale endlini yakho; ngoba kungani uzivusela ububi ukuze uwe wena loJuda kanye lawe n? 11Kodwa uAmaziya kezwanga. Ngakho uJehowashi inkosi yakoIsrayeli wenyuka, yena-ke loAmaziya inkosi yakoJuda bakhangelana ubuso ngobuso eBeti-Shemeshi eyakoJuda o. 12UJuda wasetshaywa phambi kukaIsrayeli; basebebaleka, ngulowo lalowo waya ethenteni lakhe p. 13UJehowashi inkosi yakoIsrayeli wasembamba uAmaziya inkosi yakoJuda, indodana kaJehowashi indodana kaAhaziya, eBeti-Shemeshi q; wafika eJerusalema, wadilizela phansi umduli weJerusalema, kusukela esangweni lakoEfrayimi r kusiya esangweni lengonsi, ingalo ezingamakhulu amane s. 14Wasethatha lonke igolide lesiliva, lezitsha zonke ezatholakala endlini kaJehova lezendlini zenotho zendlu yenkosi, kanye labayisibambiso, wasebuyela eSamariya t.

15Ezinye-ke zezindaba zikaJehowashi azenzayo, lamandla akhe, lokuthi walwa njani loAmaziya inkosi yakoJuda, kakubhalwanga yini egwalweni lwemilando yamakhosi akoIsrayeli u? 16UJehowashi waselala laboyise, wangcwatshelwa eSamariya emakhosini akoIsrayeli. UJerobhowamu indodana yakhe wasesiba yinkosi esikhundleni sakhe.

17UAmaziya indodana kaJowashi, inkosi yakoJuda, wasephila iminyaka elitshumi lanhlanu emva kokufa kukaJehowashi indodana kaJehowahazi inkosi yakoIsrayeli v. 18Ezinye-ke zezindaba zikaAmaziya, kazibhalwanga yini egwalweni lwemilando yamakhosi akoJuda? 19Basebemenzela ugobe eJerusalema w, wabalekela eLakishi; kodwa bathuma bamlandela eLakishi, bambulalela khona x. 20Basebemthwala ngamabhiza, wangcwatshelwa eJerusalema kuboyise emzini kaDavida.

21Bonke abantu bakoJuda basebethatha uAzariya, owayeleminyaka elitshumi lesithupha, bambeka waba yinkosi esikhundleni sikayise uAmaziya. 22Yena wakha iElathi y, wayibuyisela koJuda emva kokulala kwenkosi laboyise.

Ukubusa kukaJerobhowamu

23Ngomnyaka wetshumi lanhlanu kaAmaziya indodana kaJowashi inkosi yakoJuda uJerobhowamu indodana kaJowashi inkosi yakoIsrayeli waba yinkosi eSamariya; wabusa iminyaka engamatshumi amane lanye. 24Wasesenza okubi emehlweni eNkosi; kasukanga ezonweni zonke zikaJerobhowamu indodana kaNebati owenza uIsrayeli one z. 25Yena wabuyisela umngcele wakoIsrayeli kusukela ekungeneni kweHamathi aa kuze kufike elwandle lwamagceke, njengokwelizwi leNkosi, uNkulunkulu kaIsrayeli ab, eyalikhuluma ngesandla senceku yayo uJona indodana kaAmithayi umprofethi ac, owayevela eGathi-Heferi ad. 26Ngoba iNkosi yabona ukuhlupheka kukaIsrayeli, kwakubaba kakhulu ae, ngoba kwakungekho ovalelweyo, njalo engekho okhululekileyo, njalo kungelamsizi kaIsrayeli af. 27INkosi yayingatshongo-ke ukuthi izalesula ibizo likaIsrayeli ngaphansi kwamazulu; kodwa yabasindisa ngesandla sikaJerobhowamu indodana kaJowashi ag.

28Ezinye-ke zezindaba zikaJerobhowamu, lakho konke akwenzayo, lamandla akhe, ukuthi walwa njani, lokuthi wayibuyisela njani koIsrayeli iDamaseko leHamathi ah, engeyeJuda ai, kakubhalwanga yini egwalweni lwemilando yamakhosi akoIsrayeli? 29UJerobhowamu waselala laboyise, emakhosini akoIsrayeli. UZekhariya indodana yakhe wasesiba yinkosi esikhundleni sakhe.

Copyright information for Ndebele